Скоулз ўғли учун телевидениедан кетди

"Манчестер Юнайтед"нинг собиқ футболчиси Пол Скоулз телевидениедаги экспертлик фаолиятини тўхтатишга қарор қилди. 50 ёшли Скоулз энди ўғли билан кўпроқ вақт ўтказмоқчи.

Унинг ўғли Айденга ёшлигида аутизм ташхиси қўйилган. "Мен бу қарорни Айден учун қабул қилдим.

Мен унинг кун тартибини қатъий равишда кузатиб бораман", - деди Скоулз. Футболчи сифатида Пол Скоулз бутун фаолиятини "Манчестер Юнайтед"да ўтказган.

"Қизил иблислар" сафида у 716 расмий ўйинда майдонга тушиб, 155 та гол урган ва жамоадошларига 82 та голли узатма берган. Шунингдек, Англия миллий терма жамоасида 66 та учрашувда иштирок этган.