Энцо Мареска “Ювентус”ни бошқармайди
Лондоннинг “Челси” клуби бош мураббийи Энцо Мареска бу ҳафта хорватиялик мутахассис Игор Тудор билан хайрлашган “Ювентус”ни бошқаришга ўтмайди.
Daily Mail нашрининг хабар беришича, “кекса синьора” раҳбарияти “аристократлар” мураббийига расмий таклиф билан чиққан эмас.
Турин грандини бошқариш учун асосий номзод сифатида италиялик мутахассис Лучано Спаллетти кўрилмоқда. Айни дамда “Ювентус” А Сериянинг тўққиз туридан сўнг 15 очко жамғарган ва мусобақа жадвалида еттинчи ўринда бормоқда.
Турин клуби етакчи “Наполи”дан олти очкога орқада қолмоқда.