Аморим: Бизда ўзимизга ишонч пайдо бўлди
0
Португалиялик мураббий Рубен Аморим, ҳозирда "Манчестер Юнайтед" клубини бошқараётган мутахассис, "қизил иблислар"нинг мағлубиятсиз сериясини изоҳлади. Англия Премьер-лигасининг 10-турида "Ноттингем Форест" билан 2:2 ҳисоби билан дуранг ўйнаган "Манчестер Юнайтед" кетма-кет тўрт ўйиндан бери мағлуб бўлмаяпти.
"Гап ишончда. Бу ўзгарди. Биз учта яхши ўйин ўтказдик ва ўзимизга нисбатан бутунлай бошқача ишонч пайдо бўлди. Энди бир-биримизни яхшироқ тушунамиз", дея таъкидлади Аморим матбуот анжуманида.
10 турдан сўнг Аморим жамоаси Англия чемпионати турнир жадвалида 17 очко билан бешинчи ўринда жойлашган.