Манчестер Юнайтед Санчо билан хайрлашиши мумкин

Манчестер Юнайтед жамоаси Жейдон Санчони ижарадан қайтаришни режалаштирмоқда. Аммо "қизил иблислар" футболчини асосий таркибда кўриш ниятида эмас.

Клуб Санчони январ ойида сотиш мақсадида муддатидан олдин қайтариши мумкин. Бу ҳақда Transfer News Live портали Football Insiderга асосланиб хабар берди.

Куз фасли бошида Санчо Астон Вилла жамоасига ижарага берилган эди. Аммо 25 ёшли вингер икки ярим ой давомида Бирмингем жамоасида ўзини намоён эта олмади.

Манбаларига кўра, Санчони яна Дортмунднинг Боруссия жамоаси таркибига қўшиш варианти кўриб чиқилмоқда. Унинг савдоси Манчестер Юнайтедга Витор Роке трансферини молиялаштиришда ёрдам бериши мумкин.