Педри: Ямалнинг ёши каттага хос пишиқлиги бор
"Барселона" ярим ҳимоячиси Педри жамоадоши Ламин Ямал ҳақида ўз фикрларини билдирди.
"Ламин – ажойиб. Унинг ёшида бундай даражага етган футболчилар жуда кам. У жуда етук инсон ва шахсий ҳаёти ҳақида гап-сўзлар тарқалганда ҳам ҳеч қачон йўлдан чиқмайди.
Ямал бу босимларга табиий равишда бардош беради, ҳолбуки у эндигина 18 ёшда", – деди 22 ёшли ярим ҳимоячи интервьюсида. Жорий мавсумда Ламин Ямал 11 учрашувда майдонга тушиб, 6 та гол урди ва 6 та голли узатмани амалга оширди.
Май ойининг охирида эса истеъдодли футболчи "Барселона" билан шартномасини 2031 йилгача узайтирди.