Кантона: "Фергюсоннинг мероси йўқ қилинди"
"Манчестер Юнайтед"нинг собиқ юлдузи, франциялик ҳужумчи Эрик Кантона, Алекс Фергюсон клубни тарк этганидан кейин ўтган 12 йил ичида унинг мероси бутунлай йўқ қилинганини таъкидлади.
"Улар Алекс Фергюсоннинг ҳужумкор футболга асосланган ажойиб меросини йўқ қилишди. Клубнинг янги эгалари бу услубни қўллаб-қувватламайди. Мен клубга ёрдам беришни таклиф қилдим, аммо Жим Ретклифф ҳамкорликка қизиқиш билдирмади.
Футболчи бўлган пайтимда бу клуб менга ҳамма нарсани берди. Ўзимни қарздор ҳис қилиб, ёрдам таклиф қилдим, аммо энди ўзимни айбдор ҳис қилмайман", – деди Кантона derbyderbyderby.it нашрига берган интервьюсида.
Эслатиб ўтамиз, Эрик Кантона 1990-йилларда "Манчестер Юнайтед" жамоасида ўйнаган.