Линекер Левандовскини юқори баҳолади
Англия миллий жамоасининг собиқ футболчиси Гари Линекер каталониянинг "Барселона" клуби ҳужумчиси Роберт Левандовски ҳақида ўз фикрларини билдирди.
"Мен Робертни футбол тарихидаги энг яхши 'тўққизликлардан' бири деб ҳисоблайман. Левандовски ушбу позицияда ўзини жуда яхши ҳис қилади. У ҳақиқий гол урувчи. Дарвоза олдида хотиржамликни сақлай олади, унинг ўйини менга жуда ёқади", - деди Линекер Marca газетаси орқали.
Жорий мавсумда 37 ёшли поляк футболчиси "Барселона" сафида 12 та учрашув ўтказиб, 7 та гол уришга эришди. Ҳужумчининг каталонияликлар билан тузган шартномаси келаси ёзда ниҳоясига етади.