Симон Кьер Италияда яшашда давом этмоқда

Даниялик ҳимоячи Симон Кьер футболчилик фаолиятининг катта қисмини Италияда ўтказган. У "Палермо", "Милан", "Рома" ва "Аталанта" каби жамоаларда ўйнаган.

Футболчилик фаолиятини якунлаганидан кейин ҳам у Италияда яшашни давом эттирмоқда. Кьер Италияда қолиш сабабини тушунтирди:

"Бу ерда ўзимни яхши ҳис қиламан. Футболчилик фаолиятимни фарзандларим учун тугатдим, улар билан кўпроқ вақт ўтказмоқчиман. Бизнинг оиламизда тил аралашмаси мавжуд: мен данийча гапираман, рафиқам шведча, болалар эса инглиз ва итальян тилларида мулоқот қилишади", – деди Кьер pianetamilan.it нашрига берган интервьюсида.

Маълумот учун, Симон Кьер Дания терма жамоаси сафида 132 та ўйинда майдонга тушган ва бу кўрсаткич бўйича рекордчи ҳисобланади.