Uz-Hanwoo Андижондаги заводни 43,1 млрд сўмга сотиб олди
0
Андижондаги автомобиль рулини ишлаб чиқаришга ихтисослашган Auto Fortis заводи хусусийлаштирилди. Ушбу корхонани Uz-Hanwoo компанияси харид қилгани E-auksion маълумотларидан маълум бўлди.
Битим якунида завод 43,1 миллиард сўмга баҳоланди. Uz-Hanwoo корхонани сотиб олиш жараёнида бошланғич нархдан 27,4 фоиз юқори маблағ таклиф қилиб, савдоларда ғолиб чиқди.
Хусусийлаштириш шартларига кўра, компания заводнинг амалдаги фаолият йўналишини камида ўн йил давомида сақлаб қолишга мажбур. 2010 йилда ташкил этилган ушбу Андижон заводи эндиликда Uz-Hanwoo билан бирлашади.
Аввалдан ҳудудда ишлаб келаётган Uz-Hanwoo янги битим орқали автомобиль эҳтиёт қисмларини ишлаб чиқариш имкониятларини кенгайтиради.