Аканжи Милан дербиси кутаётганини айтди

“Интер” марказий ҳимоячиси Мануэль Аканжи яқинлашиб келаётган Милан дербисидан нималарни кутаётгани ҳақида гапирди. “Интер” А Серия доирасида 23-ноябр, якшанба куни “Милан”га қарши ўйин ўтказади.

“Дербини сабрсизлик билан кутяпман, лекин очиғи, бунга кўп вақт ажратолмадим, чунки миллий жамоага эътибор қаратган эдим. “Интер” сафидаги илк голим?

Ҳa, гол уриш яхши бўларди. Бу менинг асосий вазифам эмас, лекин жамоага шундай ёрдам беришдан хурсанд бўлардим.

Умид қиламанки, бу яқин кунларда содир бўлади, эҳтимол ҳатто шу дам олиш кунлари,” – деди швейцариялик футболчи SportMediasetга берган интервьюсида. Эслатиб ўтамиз, “Интер” Мануэль Аканжини “Манчестер Сити”дан ижарага олган.