Итальяно: Ўзимни яхшироқ ҳис қиляпман

«Болонья» бош мураббийи Винчензо Итальяно яқинда оғир касаллик – зотилжамни бошдан кечиргани ҳақида хабар берган эдик. Журналистлар билан суҳбатда у ҳозирги соғлиги ҳақида сўзлаб берди.

«Менга жуда қўрқинчли эди, лекин энг оғири орқада қолди. Аста-секин 100 фоиз тикланишга умид қиламан.

Шифокорларга катта раҳмат», – дейди Винчензо Итальяно derbyderbyderby.it сайтига берган интервьюсида. Бугун, шанба куни, «Болонья» Италиянинг А Серия чемпионати навбатдаги турида «Удинезе»га қарши майдонга тушади.

Ҳозирда «Болонья» турнир жадвалида бешинчи ўринда, «Удинезе» эса ўнинчи ўринда бормоқда.