Доннарумма: АПЛга мослашиш осон кечмади

Манчестер Сити дарвозабони Жанлуижи Доннарумма Англияда ўтказган дастлабки ойлари ҳақида ўз фикрлари билан ўртоқлашди. "Шаҳарликлар" 26 ёшли посбони ПСЖдан сентябр ойининг бошида сотиб олишди.

"Мен бошиданоқ Премер-лигада бу қадар фойдали бўлишимни кутмагандим. Лекин жамоадошларим менга жуда катта ёрдам беришди – улар мени ажойиб қабул қилишди.

Айниқса, жамоадошларимнинг ёрдами биринчи ўйинда [Манчестер Юнайтедга қарши], яъни Англияга келганимнинг дарҳол кейинги кунида ўтказилган баҳсда жуда муҳим бўлди. Биринчи машғулотдаёқ ўзимни икки йилдан бери жамоада бўлгандек ҳис қилдим.

АПЛда бутунлай бошқача шароитларга дуч келдим: жуда интенсив футбол, кўп югуриш талаб қилинади. Мослашишимга тўғри келди," – дея Доннарумманинг сўзларини келтиради City Xtra.

Италиялик посбон "Манчестер Сити" сафида 12 та ўйин ўтказиб, бор-йўғи 7 та гол ўтказиб юборган.