Аллегри - табиатан ғолиб мураббий

Италия чемпионатининг навбатдаги турида асосий ўйинлардан бири "Милан" ва "Интер" ўртасидаги баҳс бўлади. "Интер" ва Италия терма жамоасининг собиқ дарвозабони Жанлука Пальюка "нерадзурри"нинг муваффақиятига ишонган ҳолда, "Милан" бош мураббийи Массимилиано Аллегри ҳақида катта ҳурмат билан фикр билдирди.

"Аллегри? У табиатан ғолиб мураббий.

У ўз жамоаларини муҳим ўйинларга тайёрлашни жуда яхши билади. Агар "Милан" ғалаба қозонса, бу чемпионлик учун курашда жиддий даъво бўлиши мумкин", - деди Пальюка fcinter1908.it нашрига.

Ҳозирда "Милан" турнир жадвалида учинчи ўринда бормоқда, "Интер" эса А Серияда пешқадамлик қилмоқда.