Доннарумма: "Тонали менга гол ура олмайди"

"Милан"нинг собиқ жамоадошлари – Жанлуижи Доннарумма ва Сандро Тонали Англия Премьер-лигасининг навбатдаги турида ўзаро тўқнаш келишади. "Манчестер Сити" жамоаси "Ньюкасл"га қарши майдонга тушади, ўйин шанба куни кечқурун бўлиб ўтади.

Доннарумма италиялик журналистларга Тоналига гол уришга йўл қўймаслигини айтди. "Биз суҳбатлашдик ва у менга гол уришини ваъда қилди.

Аммо мен унга бу содир бўлмаслигини айтдим. Ҳазилларни бир четга қўядиган бўлсак, "Сити" учун бу сафар жуда қийин ўйин бўлади, айниқса меҳмон ўйинида," – деди Доннарумма derbyderbyderby.it нашрига.

Таъкидлаш жоизки, ушбу мавсумда Англия Премьер-лигасида Сандро Тонали ҳали гол урмаган.