Витор Рейс: "Ман Сити"ни тарк этиш қарорим ҳақида

Марказий ҳимоячи Витор Рейс, "Манчестер Сити"дан "Жирона"га ижарага берилган футболчи, ўзининг трансфер қарори ҳақида сўзлаб берди. "Дастлаб, мен жамоада қолишни режалаштиргандим, аммо кейинчалик Пеп Гвардиола билан суҳбатлашдим.

У жуда очиқ ва ҳалол бўлди, шундан сўнг "Жирона"га ўтиб, кўпроқ ўйин амалиёти олишим яхшироқ бўлишини тушундим. "Манчестер Сити"да бундай имконият деярли йўқ эди, чунки жамоада кўплаб ҳимоячилар бор.

Ҳозир мен жуда бахтлиман ва "Жирона"га қўлимдан келганча ёрдам беришни хоҳлайман", – деди 19 ёшли футболчи EFE Noticiasга берган интервьюсида. Бразилиялик футболчи каталон жамоаси сафида 12 та учрашувда майдонга тушган, улардан 11 тасида асосий таркибда ўйнаган.

"Манчестер Сити" билан унинг шартномаси 2029 йилгача амал қилади.