Барселона ҳимоячиси Саудияга кўчиши мумкин

Барселонанинг марказий ҳимоячиси Андреас Кристенсен Саудия Арабистони чемпионатига ўтиш имкониятини кўриб чиқмоқда. 29 ёшли футболчи келгуси йил амалдаги шартномаси тугагач, Саудиядаги клубдан юқори маошли таклиф олиш имкониятини жиддий ўйлаб кўрмоқда.

Бироқ, Diario Sport нашрининг хабар беришича, даниялик футболчи аввало Барселонадан шартномани узайтириш бўйича таклифни тинглаш ниятида. Андреас Кристенсен жорий мавсумда Ханс-Дитер Флик бошчилигидаги жамоанинг 10 ўйинида иштирок этди.

Transfermarkt портали экспертлари футболчининг трансфер қийматини 12 миллион евро деб баҳолашган.