Фабрицио Романо: Кейннинг "Барселона"га ўтиши ҳақида

Машҳур инсайдер Фабрицио Романо Гарри Кейннинг "Бавария"дан кетиши ҳақидаги хабарларни изоҳлади. Матбуотда 2026-йилда инглиз футболчиси ўз ватанига қайтиши мумкинлиги ҳақида миш-мишлар узоқ вақтдан бери тарқалмоқда.

Яқинда эса 32 ёшли юлдузга даъвогарлар рўйхатига "Барселона" ҳам қўшилди. Романо берган маълумотга кўра, ҳужумчи ҳозирча "Бавария"да ўзини бахтли ҳис қилмоқда ва трансфер ҳақидаги миш-мишларга эътибор қаратишни истамаётган.

"Барселона" ёки бошқа жамоага ўтишдан олдин, футболчи мюнхенликлар билан янги шартнома бўйича музокаралар олиб боришни режалаштирган. Гарри Кейннинг "Бавария" билан амалдаги шартномаси 2027-йилгача мўлжалланган бўлиб, унинг Transfermarkt порталидаги тахминий қиймати 75 миллион еврони ташкил этади.