Гвардиола: Ҳоланд Ширер рекордини янгилаши мумкин

Манчестер Сити бош мураббийи Хосеп Гвардиола Эрлинг Ҳоландни афсонавий футболчи Алан Ширер билан солиштирди. Англиялик Ширер Премьер-лига тарихидаги энг яхши тўпурар бўлиб, 260 та гол билан рекордни қўлга киритган.

Норвегиялик Ҳоланд эса ҳозирда 99 та гол урган бўлиб, бунга атиги 108 ўйинда эришган. "Ҳоланд қандай натижаларга эришмасин, Ширернинг буюклиги ўзгармайди.

Мен узоқ йиллар давомида гол уришни давом эттирган ўйинчиларга чуқур ҳурмат билан қарайман. Бу улкан матонат талаб қилади.

Ҳоландни Ширер билан бир қаторга қўйишнинг ўзиёқ кўп нарсани англатади. Математик бўлиш шарт эмас: агар Ҳоланд узоқ вақт давомида ўйнашда давом этса ва шу тезликда гол ураверса, у Ширер ва Кейнга яқинлашиши мумкин.

Лекин келажакни олдиндан айтиб бўлмайди", – деди Гвардиола. Бугун "Манчестер Сити" Ширер кўп йиллар давомида ўйнаган "Ньюкасл"га қарши майдонга тушади.