Майнц футболчиси Бундеслигада рекорд ўрнатди

Германия чемпионатининг 11-тур учрашувлари бошланди. Жума куни "Майнц" ўз майдонида "Хоффенхайм"ни қабул қилди ва рақибни мағлуб эта олмади.

Учрашув якунланишига уч дақиқа қолганида эса "Майнц" ўйинни ўнга қарши ўнта футболчи билан давом эттиришга мажбур бўлди. Доминик Кор тўғридан-тўғри қизил карточка олди, яъни огоҳлантирувчи сариқ карточкасиз майдонни тарк этди.

Бу Доминик Кор учун олий немис футбол лигасидаги фаолияти давомида тўққизинчи қизил карточка бўлди. Шу тариқа у Бундеслигада янги рекорд ўрнатди.

Аввалги рекорд саккизта қизил карточка билан Луис Густаво ва Йенс Новотнига тегишли эди.