Хаби Алонсо Куртуа ҳақида фикр билдирди

“Реал” клуби бош мураббийи Хаби Алонсо дарвозабон Тибо Куртуа ҳақида ўз фикрларини билдирди. Белгиялик посбон соғлиги билан боғлиқ муаммоларни ҳал қилиб, жамоанинг якшанба куни Испания чемпионати доирасидаги “Эльче”га қарши ўйини учун қайдномага киритилди.

“Сўнгги мавсумларда Куртуа энг муҳим лаҳзаларда ёдда қоладиган сейвлар амалга оширди. Гап нафақат унинг даражасида, балки ўз ишончини қандай тарқатишида ҳам.

У бизнинг таянчимиз ва масъулиятни ўз зиммасига олишга тайёр,” — деди Алонсо матбуот анжуманида. Якшанба, 23-ноябр куни “Реал” Испания чемпионати доирасида сафарда “Эльче”га қарши ўйин ўтказади.

Беллашув Тошкент вақти билан соат 01:00 да бошланади.