Ван Дейк: Ҳар бир футболчи ўзини кузатиши керак

“Ливерпул” ҳимоячиси Виржил ван Дейк “Ноттингем Форест”га қарши омадсиз ўйиндан сўнг фикр билдирди. Арне Слот бошқарган жамоа ўз майдонида 0:3 ҳисобида мағлубиятга учради.

“Ҳар бир футболчи ўзини кузатиб, хатолар устида ишлаши керак. Кўп меҳнат қилиш ва олдинга интилиш зарур.

Мен бу клубда узоқ йиллардан бери ўйнаяпман ва биз бундай қийинчиликларни кўп бора бошдан кечирганмиз. Биз албатта қайтарамиз, лекин бу бир кечада бўладиган иш эмас.

Мен таслим бўладиганлардан эмасман”, – дейди ван Дейк BBCга берган интервьюсида. Мазкур мағлубиятдан сўнг “Ливерпул” Англия Премьер-лигаси турнир жадвалида 11-ўринга тушиб кетди.

Кейинги турда Слот жамоаси “Вест Хем”га қарши сафарда баҳс олиб боради. Ўйин кузнинг сўнгги кунида бўлиб ўтади.