Бавария футболчиси Карл: “Месси менинг идеалим”

Мюнхеннинг “Бавария” клуби ярим ҳимоячиси Леннарт Карл аргентиналик афсонавий ҳужумчи, “Интер Майами” футболчиси Лионел Месси билан солиштирилганига муносабат билдирди. “Месси чўққида, менга эса ҳали узоқ йўл бор.

Месси менинг идеалим. Мен ўзимни Месси билан солиштира олмайман, бу бутунлай бошқа даража”, - дейди Карл “Bild” нашрига берган интервьюсида.

17 ёшли футболчи ўз маҳоратини ривожлантиришда давом этса, Мессининг даражасига етиши мумкинлигини қўшимча қилди. Жорий мавсумда Леннарт Карл 15 учрашувда майдонга тушиб, 5 та гол урди ва 2 та голли узатма берди.

Transfermarkt портали немис футболчисини 20 миллион еврога баҳоламоқда.