Винисиуснинг келажаги мавҳумлигича қолмоқда

Мадриднинг "Реал" клуби ҳужумчиси Винисиус Жуниорнинг келажаги ноаниқ бўлиб қолмоқда. Бразилиялик футболчининг амалдаги шартномаси 2027 йилнинг ўрталарига қадар амал қилади, аммо уни узайтириш бўйича музокаралар олиб борилмаяпти.

COPE нашри журналисти Мигел Анхел Диаснинг хабарига кўра, июл ойидан буён ҳеч қандай янгилик ёки музокаралар бўлгани йўқ. Жараён ҳозирча "кутиш ҳолати"да қолмоқда.

Янги учрашувлар ва музокаралар ҳали режалаштирилмаган. Шу билан бирга, Винисиуснинг молиявий талаблари музокараларни мураккаблаштирмоқда.

Ёзда футболчи клуб томонидан таклиф қилинган молиявий шартларни қабул қилмаган.