Реал Витинияни 150 млн еврога сотиб олиши мумкин

Португалия терма жамоаси ва Франсиянинг ПСЖ клуби ярим ҳимоячиси Витиния фаолиятини Испания чемпионатида давом эттириши мумкин. Бу ҳақда Fichajes нашри хабар бермоқда.

Манбага кўра, Мадриднинг "Реал" клуби ушбу футболчини трансфер қилишга қизиқиш билдирмоқда. "Қироллик клуби" раҳбарияти футболчи учун тахминан 150 миллион евро таклиф қилишга тайёр.

"Реал" Витинияда жамоа ўйинини кучайтириш учун катта имконият кўрмоқда. Эслатиб ўтамиз, португалиялик футболчи 2025-йилда "Олтин тўп" соврини учун овоз беришда учинчи ўринни эгаллаган эди.

Витиниянинг ПСЖ билан амалдаги шартномаси 2029-йилнинг ёзигача амал қилади. Унинг трансфер бозоридаги нархи 90 миллион еврога тенг.