Паралимпия чемпиони Асила Мирзаёрова қиз фарзандли бўлди

Машҳур пара енгил атлетикачи, Паралимпия ўйинлари совриндори Асила Мирзаёрова она бўлди. У 22 ноябрь куни қиз фарзанд дунёга келтирганини ўзининг ижтимоий тармоқлари орқали маълум қилди.

Асила бу хурсандчиликни қуйидаги сўзлар билан улашди: “Оиламизга янги чемпионка келди — 22.11.2025.” Унинг ушбу самимий эълони спорт жамоатчилиги ва мухлислар томонидан илиқ кутиб олинди.

Паралимпия чемпиони бўлган спортчимизга жамият вакиллари, спортчилар ва оддий фуқаролар томонидан бахт, соғлиқ ва узоқ умр тилаклари билдирилмоқда. Асила Мирзаёрова нафақат спортда, балки ҳаётда ҳам ҳақиқий чемпион эканини яна бир бор исботлади.