«Արդյոք Տիգրանաշենը և մյուս գյուղերը, որոնք անկլավ են անվանվում, դառնալու են նոր միջանցքներ՝ տարբեր այլընտրանքային անվանումներով». «Առերեսում»

Եկեք Արծվաշենի մասով մի շատ պարզ և տրամաբանական հարց տանք, որի պատասխանը Հայաստանի իշխանությունները ոչ մի կերպ չեն տալիս։ Արծվաշենի հետ հաղորդակցությունը և կապը ինչպե՞ս է ապահովվելու, եթե կա Արծվաշեն, կա Հայաստանի Հանրապետության տարածք և արանքում՝ Ադրբեջանի Հանրապետության տարածք։ Այսինքն՝ կա՞ մշակած որևէ մեխանիզմ, երբ որ իրենք ասում են՝ վերադարձնելու են Արծվաշենը։ Վերադարձրեցիք, ադրբեջանական տարածքների թիկունքում կա Հայաստանի Հանրապետության իքս տարածք. ներս ու դուրսը ինչպե՞ս ենք անելու, ինչպե՞ս է դա ապահովվելու, դրա մեխանիզմը ինչպե՞ս է։