Реал Овьедо ва Райо Вальекано дуранг ўйнади

Ла Лиганинг 13-тури доирасида "Реал Овьедо" ўз майдонида "Райо Вальекано"ни қабул қилди. Учрашув 0:0 ҳисобида якунланди.

17-дақиқада Ильяс Чайра гол уриш имконини қўлдан бой берди, Саломон Рондон эса офсайд туфайли голини йўқотди. Санти Касорла жарима зарбасидан тўпни дарвоза устунига урди.

53-дақиқада Ильяс Чайра қўпол ҳаракати учун қизил карточка олди. Тез орада Хорхе де Фрутос пенальтини қўлга киритди, аммо Иси Паласон бу имкониятни дарвозабонга ютқазиб қўйди.

Унаи Лопеснинг жарима майдончасидан ташқаридан йўллаган зарбаси яна устунга тегди. 90-дақиқада эса Пате Сисс қўпол ўйини сабабли қизил карточка олди.

Мазкур натижадан сўнг "Реал Овьедо" жамоаси турнир жадвалининг сўнгги поғонасида қолмоқда, "Райо Вальекано" эса 9-ўринни эгаллаб турибди.