Реал ҳимоячиси Хойсен мавсум рекордини ўрнатди

Мадриднинг "Реал" жамоаси марказий ҳимоячиси Дин Хойсен жамоасини "Эльче" билан бўлган ўйинда мағлубиятдан қутқаришга ёрдам берди. Ла Лига доирасидаги якшанба кунги учрашув 2:2 ҳисобида якунланди.

Opta маълумотларига кўра, Хойсен бу мавсумда Испания чемпионатида гол урган энг ёш ҳимоячи бўлди (20 ёш ва 223 кун). Ёш марказий ҳимоячи 78-дақиқада гол уриб, ҳисобни 1:1 қилди.

Бироқ "Эльче" тезда яна олдинга ўтди, лекин 87-дақиқада Жуд Беллингем яна мувозанатни тиклади. Дин Хойсен жорий йилнинг ёзида Англиянинг "Борнмут" клубидан "Реал"га ўтган эди.

Трансфер нархи 60 миллион евродан ошиқ бўлган.