Буффон: Чалханоглу одатдагидан ёмон зарба берди

Машҳур италиялик собиқ дарвозабон Жанлуижи Буффон "Милан" ва "Интер" жамоалари ўртасидаги ўйинда Ҳақан Чалханоглу томонидан амалга оширилган, аммо гол бўлмаган пенальти ҳақида фикр билдирди. "Милан" дарвозабони Майк Меньян зарбани қайтарди.

Буффоннинг фикрига кўра, Чалханоглу одатдагидан ёмонроқ зарба берган. "Чалханоглу жуда яхши зарба бермади, тўп одатдагидек бурчакка йўналтирилмади.

Менимча, бу Меньяннинг уни руҳий жиҳатдан чалғитиши билан боғлиқ", - дея Буффоннинг сўзларини келтиради fcinter1908.it нашри. Кейинги турда "Милан" Римнинг "Лацио" жамоасига қарши баҳс олиб боради, "Интер" эса Пизага сафар қилади.

Буффон ўзининг футболчилик фаолиятини 2023 йилда якунлаган.