Александр Исакдан "Ливерпуль" учун антирекорд

Швециялик ҳужумчи Александр Исакнинг "Ливерпуль" клубига қиммат трансфери ҳозирча кутилган натижаларни бермаяпти. Футболчи мерсисайдликлар тарихида антирекорд ўрнатди.

Исак Англия Премьер-лигаси тарихида "Ливерпуль"нинг асосий таркибида илк тўртта учрашувида мағлубиятга учраган биринчи футболчи бўлди. Эслатиб ўтамиз, Александр Исак ўтган трансфер ойнасидан "Ньюкасл"дан "Ливерпуль"га ўтган эди.

Унинг ўтиши учун клуб тахминан 130 миллион евро сарфлаган. Жорий мавсумда 26 ёшли ҳужумчи Англия Премьер-лигасида бешта ўйинда майдонга тушиб, бир голга узатма ёзиб қўйди.