Тошкентда ота алимент учун фарзандига уй ҳадя қилди

Тошкентнинг Чилонзор туманида алимент қарзи катта суммагача етиб, вазият ноодатий тарзда ҳал бўлди — ота 2036 йилгача тўланиши керак бўлган алимент ўрнига боласига 2 хонали квартирани ҳадя қилди. Бу ҳақда МИБ маълум қилди.

Маълумотларга кўра, қарздор эркак аввал алиментни ўз вақтида тўлаб келган, аммо 2023 йил декабридан 2025 йил октябригача тўловларни тўхтатиб, ўттиз миллионлаб қарз йиғилиб қолган. Текширув жараёнида унинг иккита автомобилига банд солинган, шунингдек, мамлакатдан чиқишига вақтинча чеклов қўйилган.

Ҳисоб-китобларга кўра, ота зиммасидаги алимент қарзи 40 миллион сўмга етган. Ижро ҳаракатлари давомида у фарзанди манфаати учун 2 хонали уйни расман ҳадя қилиб, мажбуриятни тўлиқ қоплади.

Шу билан ижро ҳужжати амалда ёпилди.