Перишич: ПСВнинг мақсади - кейинги босқичга чиқиш

ПСВнинг ярим ҳимоячиси Иван Перишич Чемпионлар Лигаси умумий босқичининг бешинчи турида "Ливерпул"га қарши ўйиндан сўнг ўз фикрларини билдирди. "Бизнинг асосий мақсадимиз - турнирнинг умумий босқичидан ўтиш.

Кейинги вазиятларни ўз вақтида баҳолаймиз. ПСВ ҳозирда кўп очко тўплади ва яхши ўринда турибди.

Лекин шуни унутмаслик керакки, олдинда бизни бошқа қийин ўйинлар кутмоқда", - деди хорватиялик футболчи УЕФА матбуот хизмати орқали. Эслатиб ўтамиз, нидерландиялик жамоа "Энфилд"да "Ливерпул"ни 4:1 ҳисобида мағлуб этиб, сенсацион ғалабага эришди.

ПСВ 8 очко билан турнир жадвалида 15-ўринни эгаллаб турибди.