Роналду Испаниянинг ММА лигасига сармоя киритди

Португалиялик ҳужумчи Криштиану Роналду яна бир истиқболли лойиҳага сармоя киритди — Испаниянинг UFC лигасига, яъни ММА (аралаш жанг санъати)нинг маҳаллий аналогига. 2019-йилда ташкил этилган Испания лигаси қисқа вақт ичида катта машҳурликка эришди, натижада Роналду ушбу лойиҳа истиқболли эканини кўриб, унинг акциядори бўлишга қарор қилди.

“ММА айнан мен яхши кўрадиган ва ишонадиган нарсаларни акс эттиради — интизом, ҳурмат, чидамлилик ва мукаммалликка интилиш”, — деди Роналду. Серия ташкилотчилари Роналду билан келишувни тасдиқлаб, афсонавий ҳужумчи ушбу сериянинг ривожланишига ва миллионлаб инсонларнинг ҳаётини яхшилашга ёрдам беришини таъкидлашди.