Мбаппе ва Кукурелья Чемпионлар лигаси ҳафталик жамоасида

Яқинда Чемпионлар лигаси умумий босқичининг бешинчи тур учрашувлари бўлиб ўтди. Натижалар асосида УЕФА ҳафтанинг энг яхши 11 футболчисидан иборат рамзий жамоани эълон қилди.

Ушбу рамзий жамоа қуйидагича шаклланди: Флеккен ("Байер"), Халили ("Юнион"), Хименес ("Атлетико"), Схаутен (ПСВ), Кукурелья ("Челси"), Райс ("Арсенал"), Витинья ("ПСЖ"), де Кетеларе ("Аталанта"), Роберт ("Копенгаген"), Обамеянг ("Марсель"), Мбаппе ("Реал"). Эслатиб ўтамиз, ҳафтанинг энг яхши футболчиси деб Килиан Мбаппе тан олинди.

У "Олимпиакос"га қарши ўйинда покер қайд этди. Беш турдан сўнг Чемпионлар лигаси пешқадами 15 очко тўплаган "Арсенал" ҳисобланади.