Адриен Рабио: "Аллегри ғолиб мураббий"

Француз ярим ҳимоячиси Адриен Рабио "Милан" жамоасидаги янги бош мураббийи Массимилиано Аллегри ҳақида илиқ фикр билдирди. Унинг сўзларига кўра, Аллегри ўз табиати билан ҳақиқий ғолибдир.

"У - ғолиб. Менга унинг шахсияти, ишга ёндашуви, машғулотлар жараёнини ташкил этиши ва футболга бўлган муҳаббати жуда ёқади.

У ҳар доим ўзини тўлиқ ишга бағишлайди ва бу менга жуда маъқул. Майдондан ташқарида у жуда ёқимли инсон, ҳазиллашади ва бизни доимо хотиржамликка ундайди", - деди Рабио pianetamilan.it сайтига берган интервьюсида.

Аввалроқ Рабио Аллегри қўл остида А Серияда "Ювентус" таркибида тўп сурган эди. "Милан"га эса у Франциянинг "Марсель" жамоасидан ўтиб келган.