Рабьо тан олди: «Юве»га фақат Аллегри учун ўтган эдим
Француз ярим ҳимоячиси Адриен Рабьо Массимилиано Аллегри унинг футболчилик фаолиятида алоҳида ўрин тутишини таъкидлади. Унинг сўзларига кўра, Рабьо 2019-йилда "Ювентус"га айнан Аллегри билан суҳбатдан сўнг ўтишга қарор қилган.
"Мен 2019-йилда "Ювентус"ни фақат Аллегри туфайли танлаган эдим. Биз қарор қабул қилишимдан аввал учрашган эдик ва у менга жуда ёқди.
Аммо Туринга кўчиб ўтганимда, у жамоада эмас эди. Аллегри 2021-йилда қайтди ва биз ажойиб иш муносабатларини ўрнатдик", – дейди Рабьо pianetamilan.it нашрига берган интервьюсида.
Эслатиб ўтамиз, Рабьо французнинг "Марсел" клубидан "Милан"га ўтган. Бунгача у "ПСЖ" сафида ҳам ўйнаган.