Гвардиола Краснодарнинг собиқ мураббийини мақтади

Манчестер Сити бош мураббийи Хосеп Гвардиола Премер-лигадаги Лидсга қарши ўйин олдидан журналистлар билан суҳбатда Павлинлар жамоаси бош мураббийи Даниэль Фаркенинг ишига юқори баҳо берди. "Мен Даниэль Фарке ҳақида ажойиб фикрдаман.

Бизнинг муносабатларимиз жуда яхши. Мен биламан, Премер-лига доимо қийин: яхши натижалар сериясини кўрсатишинг мумкин, лекин рақиблар кучли бўлгани сабабли ёмон сериялар бошланиши ҳам эҳтимолдан холи эмас.

Бу жуда талабчан мусобақа. Тайёр бўлиш керак", деди Гвардиола.

Эслатиб ўтамиз, Даниэль Фарке 2022 йил бошида Краснодар жамоасини бошқарган эди, бироқ бир ярим ойдан сўнг клубни тарк этди.