Фернандо Торрес: Мен Клопп футболига ошиқман

Собиқ испан ҳужумчиси Фернандо Торрес Юрген Клоппни ўзининг севимли мураббийи деб билишини тан олди. Унинг фикрича, немис мутахассиси томонидан жамоаларга сингдирилган футбол услуби жуда ёқимли.

"Луис Арагонес – мен учун футбол соҳасида энг кўп нарса қилган мураббий. Аммо Юрген Клопп менинг мукаммал мураббий ҳақидаги тасаввуримга тўлиқ мос келади.

Унда идеал мураббийда бўлиши керак бўлган барча фазилатлар мужассам. Унинг жамоалари айнан менга ёқадиган футболни ўйнайди, айниқса, инглиз футболидаги ўзига хос динамикани ҳисобга олсак," – дейди Торрес derbyderbyderby.it нашрига берган интервьюсида.

Эслатиб ўтамиз, Фернандо Торрес Англияда "Челси" ва "Ливерпуль" клубларида тўп сурган, бироқ Клопп билан бирга ишлаш имконига эга бўлмаган.