Лапорта "Реал" ва Тебас ўртасидаги зиддият ҳақида

“Барселона” президенти Жоан Лапорта Мадриднинг “Реал” клуби ва Ла Лига раҳбари Хавьер Тебас ўртасидаги муносабатлар ҳақида ўз фикрларини билдирди. Мадриднинг “қироллик клуби” кўпинча Ла Лига раҳбариятини очиқ танқид қилади.

Бироқ, Хавьер Тебас бир неча бор болалигидан “Реал” мухлиси бўлганини тан олган. “Тебас – ўз ишини севувчи ва ҳалол инсон.

Бизнинг у билан муносабатларимиз одатий. Аммо “Реал”ни олиб қарасак, улар Ла Лига билан доимий равишда зиддиятда.

Улар Тебасни истеъфога чиқариб, унинг ўрнига бошқа бирор кишини тайинлашга интилишмоқда”, – деди Лапорта “Managing Barca” нашрига берган интервьюсида. Эслатиб ўтамиз, “Қироллик клуби” Испания чемпионати турнир жадвалида 13-турдан сўнг етакчилик қилмоқда.

“Кўк-анорранглилар” эса бир очко фарқ билан иккинчи ўринда бормоқда.