ალეკო ელისაშვილი დააკავეს - ადვოკატი

დააკავეს პოლიტიკოსი, „ლელო-ძლიერი საქართველოს“ ერთ-ერთი ლიდერი ალეკო ელისაშვილი. ინფორმაციას ადასტურებს მისი ადვოკატი გიორგი რეხვიაშვილი. მისივე ცნობით, ის სისხლის სამართლის წესითაა დაკავებული და ახლა გადაჰყავთ დიღმის იზოლატორში. „მომეცემა თუ არა საშუალება ვინახულებ, სხვა არაფერი ვიცი, ცნობილია, რომ დააკავეს დღეს, დილის საათებში, ქუჩაში და დაკავებულია სისხლის სამართლის მუხლით“, - უთხრა ადვოკატმა რადიო თავისუფლებას. ის ვერ ადასტურებს გამოცემა „პუბლიკა“ მიერ გავრცელებულ ინფორმაციას, რომ ალეკო ელისაშვილი ნაცემია. „ამ დეტალს მას შემდეგ დავადასტურებ, რაც ვინახულებ, ჯერ არაფერი ვიცით და ახლა ვარკვევთ“, - ამბობს ის. რადიო თავისუფლება შსს-ში არკვევს დეტალებს. მასალა განახლდება.