Матета Серия А клубларини қизиқтирди

Кристал Пелас жамоасининг марказий ҳужумчиси Жан-Филипп Матета бир нечта клубларнинг эътиборини тортди. Бу ҳақда таниқли инсайдер Фабрицио Романо хабар бермоқда.

Манбага кўра, Франция терма жамоаси ҳужумчиси Серия А ва АПЛ клублари радасига тушган. Айниқса, италиялик Россонерилар — Милан клуби Матетага қизиқиш билдирган ва қишки трансфер ойнасида Кристал Пеласга расман таклиф билдиришни режалаштирмоқда.

Матета 2022 йилдан буён Кристал Пелас сафида тўп сураётган. Жорий мавсумда 28 ёшли футболчи 21 ўйинда қатнашиб, 8 та гол урди ва 2 та голли узатма берди.

Трансфермаркт портали унинг трансфер қийматини 35 миллион евро деб баҳолаган.