Индепендьенте Ривадавия илк кубогини қўлга киритди

Аргентина футболида тарихий воқеа юз берди. "Индепендьенте Ривадавия" клуби биринчи марта Аргентина Кубоги соҳибига айланди.

Улар финалда "Аргентинос Хуниорс" клубини пенальтилар сериясида мағлубиятга учратип, ғалабани қўлга киритишди. Мазкур ўйинда "Индепендьенте Ривадавия" жамоаси икки футболчиси майдондан четлатилгани сабабли тўққиз киши бўлиб ўйнашга мажбур бўлди.

Бироқ бу ҳолат уларнинг ғалабага бўлган интилишини тўхтата олмади. Ҳал қилувчи пенальтини колумбиялик футболчи Себастьян Вилья амалга оширди.

У ғалабасини яқинда вафот этган аргентиналик мураббий Мигел Анхель Руссо хотирасига бағишлади. "Мен ушбу зарбани Мигел Анхель Руссога бағишлайман.

У ҳар доим менга ҳар қандай ҳолатда ҳам олдинга интилиш кераклигини айтганди", - деди футболчи. Шу тариқа, "Индепендьенте Ривадавия" ўз тарихида илк бор кубокни қўлга киритди.