Агуэро: «Барселона» тарихидаги энг муҳим ўйинчи

«Манчестер Сити» ва Аргентина терма жамоасининг собиқ ҳужумчиси Серхио Агуэро ватандоши Лионель Месси ҳақида фикр билдирди. Ҳозирда Месси МЛСда «Интер Майами» сафида тўп сурмоқда.

«Лео каталон клубининг тарихидаги энг муҳим футболчидир. Месси «Барселона»нинг афсонасидир.

Ишончим комилки, янгиланган «Камп Ноу»га қайтганида у завқ ҳис қилган. Ўйлайманки, уларнинг ҳикояси ҳали тугамаган», — дейди Агуэро Stake платформасига берган интервьюсида.

Месси «Барселона»нинг академияси тарбияланувчиси ҳисобланади. У биринчи жамоа сафида 2005 йилдан 2021 йилгача ўйнаган.

Ҳозирда футболчининг «Интер Майами» билан шартномаси 2028 йилгача мўлжалланган.