Россияда ўзбекистонлик эркак ўлдирилди

Россиянинг Владимир вилоятида ўзбекистонлик фуқарони ўлдириш билан боғлиқ даҳшатли жиноят содир этилди. Бу ҳақда Upl.uz хабар беради.

Жиноятга 48 ёшли маҳаллий аёл гумон қилинмоқда, у эркакни бўғиб, унинг жасадини ўз боғида олма дарахти остига кўмиб ташлаган. Марҳум 54 ёшда бўлиб, узоқ муддат Россияда яшаган ва Покров бетон заводида ишлаган.

Унинг яқин қариндоши ноябрь ойида эркакнинг бедарак йўқолганини ҳуқуқ-тартибот идораларига маълум қилган. Аниқланишича, 16-ноябрь куни марҳум Петушин туманидаги Старое Перепечино қишлоғида 48 ёшли таниши билан учрашган.

Дастлабки маълумотларга кўра, улар биргаликда спиртли ичимлик истеъмол қилган ва ораларида жанжал келиб чиққан. Эркак ерга қулагач, аёл уни арқон билан бўғиб ўлдирган ва жасадни олма дарахти остига кўмган.

Маълумотларга кўра, аёл наркотик моддаларга қарши қарамликдан азият чеккан бўлиб, эркакдан пул сўраган, лекин рад жавобидан сўнг уни шафқатсизларча ўлдирган. Ҳозирда тергов жараёнлари давом этмоқда, суд-тиббий экспертизалар ўтказилиб, воқеанинг барча тафсилотлари аниқланмоқда.