Каскарино: Роналду камтарликдан йироқ
Лондондаги "Челси" клуби ва Ирландия терма жамоасининг собиқ футболчиси Тони Каскарино "Ал-Наср" ҳужумчиси Криштиану Роналду ҳақида ўз фикрларини билдирди. "Роналду маълум маънода ёқимсиз бир нарса бор.
Футболдаги ютуқларига қарасангиз, улар, албатта, ажойиб. Аммо мен ҳар доим буюк, лекин шу билан бирга камтар одамларни кўпроқ қадрлайман", - дейди Каскарино talkSPORTга берган интервьюсида.
Португалиялик ҳужумчи Саудия Арабистони чемпионатининг жорий мавсумида саккизта ўйинда майдонга тушиб, тўққизта гол ва битта голли узатма амалга оширди. Шу йил Криштиану Роналду 40 ёшни қарши олди.