Ўзбек аёли Ҳимолайдаги машҳур чўққини биринчи забт этди

Ўзбекистонлик альпинист Алёна Аитова Ҳимолайнинг Ҳиндистон–Непал чорраҳасида жойлашган Island Peak (Imja Tse) чўққисига муваффақиятли кўтарилиб, 6189 метрлик баландликка чиққан илк ўзбекистонлик аёл сифатида тарихга кирди.

Мутахассислар таъкидлашича, Island Peak Эверест маршрутидаги энг масъулиятли тайёрлов босқичларидан бири бўлиб, кучли жисмоний чидамлилик ва мураккаб техник кўникмаларни талаб қилади. Маршрутнинг охирги қисми тик қор-муз қияликлари, хавфли музликлар ва 50–65 даража чўзилма ёнбағирлардан иборат.

Аитованинг кўтарилиши махсус ўрнатилган арқонлар орқали жумар билан амалга оширилган, тушиш esa профессионал альпинистлар ишлатиладиган “саккизлик” қурилмаси орқали бажарилган. Шу сабаб Island Peak оддий юриш эмас — тўлиқ техник тайёргарлик талаб этувчи жиддий синов сифатида баҳоланади.

Аитованинг бу ютуги ўзбек аёллари спорт тарихи учун янги босқич бўлди.