АПЛ клублари 20 ёшли ҳужумчини кузатмоқда
Уотфорд клуби ҳужумчиси Рокко Вата Англия Премер-лигасининг икки клуби диққат марказида. Mail Sport хабарига кўра, Crystal Palace ва Fulham 20 ёшли ирландиялик футболчини ўз сафига қўшиб олишга қизиқиш билдирмоқда.
Уотфорд футболчини тахминан 23 миллион евро эвазига сотишга тайёр. Вата жорий мавсумда барча мусобақаларда ўнта ўйинда майдонга тушиб, иккита гол урди ва иккита голли узатма амалга оширди.
Футболчининг Уотфорд билан амалдаги шартномаси 2028 йилгача мўлжалланган. Transfermarkt порталига кўра, унинг бозор қиймати 1,8 миллион еврони ташкил қилади.