Габбия Менянни "Милан"да қолишга чорламоқда
"Милан" дарвозабони Майк Меняннинг ажойиб спорт формаси бу мавсумда яна бир бор ўз тасдиғини топди. Клуб раҳбарияти франциялик дарвозабон билан шартномани узайтиришни истамоқда.
Бироқ, Менян Англия Премер-лигасининг молиявий жиҳатдан кучлироқ клубларининг эътиборида эканлиги сир эмас. Бундай вазиятда "Милан"нинг қўшимча устунлиги футболчилар ўртасидаги илиқ муносабатлар бўлиши мумкин.
Жамоа ҳимоячиси Маттео Габбия ижтимоий тармоқларда Менянга мурожаат қилиб: "Илтимос! Шартномани узайтир!" деб ёзган.
Эслатиб ўтамиз, франциялик дарвозабон 2021-йилдан бери "Милан" шарафини ҳимоя қилиб келмоқда.