Брест Страсбургни мағлубиятга учратди
Франция чемпионатининг 14-турида Страсбург ва Брест жамоалари ўзаро тўқнаш келишди. Ўйин биринчи ярмида мезбонлар устунликни қўлга киритди.
11-дақиқада Самуэль Амо-Амейо ҳисобни очди ва Страсбургни олдинга олиб чиқди. Бироқ, иккинчи бўлимда Брест ўйиннинг боришини ўзгартириб юборди.
Ромен Дел Кастильо пенальтидан гол уриб, ҳисобни тенглаштирди, кейинчалик Уго Маньетти 82-дақиқада ғалаба голини киритди. Шу тариқа, Брест 2:1 ҳисобида ғалаба қозонди.
Мазкур ғалаба Брест учун Франция чемпионатидаги кетма-кет иккинчи ғалаба бўлди ва жамоа ҳозирда турнир жадвалида 12-ўринни эгаллаб турибди. Страсбург эса кетма-кет иккинчи мағлубиятга учради.
Улар турнир жадвалида еттинчи ўринда бўлиб, Монакодан бор-йўғи бир очкога орқада қолмоқда.