Мареска Кайседонинг қизил картасига изоҳ берди

Челси бош мураббийи Энсо Мареска "Арсенал"га қарши ўйинда Моисес Кайседонинг қизил карточка билан майдондан четлатилиши бўйича ҳакам қарорига ўз муносабатини билдирди. Қизил карточка ўйиннинг 38-дақиқасида ВАР аралашувидан сўнг кўрсатилган эди.

"Қизил — бу қизил, мен буни тан оламан. Аммо нега турли эпизодлар турлича баҳоланади, тушуниш қийин.

Бентанкурнинг Жеймсга қилган қўпол ҳаракати ҳақида нима дейиш мумкин? Нега у ерда қизил карточка эмас, лекин бу ерда қизил?

Бугунги вазиятда қизил тўғри қарор эди, бу аниқ. Аммо ўша вазиятдан нимаси билан фарқ қилади?

Шундай бўлса-да, Кайседо ҳар доим фақат ғалаба қозонишни мақсад қилади", - деди Мареска Sky Sportsга. Биринчи бўлимда ўйинчиси четлатилганига қарамай, "Челси" "Арсенал" билан 1:1 ҳисобида дуранг ўйнади.